आठवणींचा झुला

आठवणींचा झुला

आठवण तुझी येते
झुलतो हा मनांत झुला
काहूर माजते हृदयात
कसे समजावू तुला

कातरवेळी तु यावे
माझ्या घराच्या अंगणात
आठवणीत मी रमावे
स्मरण तुझे येते नित्य मनांत

तुझ्या गोड संवादाचा
लागला होता मला लळा
तुला पाहताच प्रेमाचा
उंच जाई हा झोपाळा

तुझे ते निरागस
मन मला आठवले
तुझ्या प्रतीबिंबाला पाहून
अश्रू गालावर ओघळले

किती किती आठवू
तुझ्या मर्मबंधातील आठवणीला
तुला हृदयात घेऊन
जाईल उंच हा प्रेमाचा झुला

©®नामदेवपाटील