तिचं तिला जगु द्या भाग -2

भाग -2

"झोपुन काय होणार, बहीण आली आहे तुमची.. उठा आता."
बाहेरून मिताली जोर जोरात आवाज देते, " पाहिलं उठा आता.. "

मितालीचा आवाज ऐकुन, तिचा नवरा खाडकन उठतो, " खरंच ही आली आहे.. माला वाटलं भास होतो आहे की काय.. " आणि तो हसायला लागतो.

त्याचं हसन पाहुन मितालीला अजुन राग येतो,' हसायला काय झालं..? आता मागच्याच महिन्यात त्या आलेल्या आता पुन्हा आल्या.. "

" अगं हो हो किती चिडचिड करशील.. "

आणि तो बाहेर हॉल मध्ये येतो, " हे काय अजुन झोपलेलास..? अरे वाजले बघ किती, आज ऑफिस नाही का..? " मितालीची नणंद विचारते.

" अहो फ्रेश होऊन घ्या, चहा देते.. "

" फक्त चहा..? नाश्ता वगरे काही बनवलास की नाही..? " नणंद विचारते.

" नाही ताई बनवला की, उपमा आहे केलेला तुम्हाला पण देते.. " मिताली नाश्ताच्या तीन डिश भरून आणते.

" अगं सकाळी सकाळी कोण हे तेलकट तिखट खातं, मला नको बाई.." असं बोलुन ती डिश मितालीच्या पुढ्यात सरकावते.

" अहो ताई आमच्याकडे असाच नाश्ता बनतो, उलट आई हे आवडीने खातात.. " मिताली बोलते.

" त्याचं राहुदे गं पण आई, तिचं कॉलेस्ट्रॉल आधीच वाढलेल त्यात हा असा नाश्ता देणार. आई उद्या पासुन मि तुला माझ्या हातुन बनलेला नाश्ता देईन.. " आणि ती डिश मितालीला उचलायला सांगते..

दुपार होते, मिताली चपात्या करत असते तेवढ्यात तिची नणंद पाठी येऊन उभी राहते, " चपात्या करतेस, बरं ऐक माझ्या चपातीला तुप लाव. आणि हो आईला सुक्या दे चपात्या तेल तुप काही लावु नकोस.. " नणंद जणु तिच्या डोक्यावरच येऊन बसली होती.

" अहो ताई माहित आहे की माला, त्यांचं डायट मि व्यवस्थित रित्या पाळते तुम्ही नका घेऊ टेन्शन.. " मिताली तिला जशासतसं उत्तर देते...

हे ऐकुन तिच्या नणंदेचा चेहरा पडतो.

" बघ बाई मि आपलं सांगायचं कामं केलं, शेवटी तु ह्या घरची सुन मि काय आपली मुलगी.. " आणि ती रडायला चालु करते.

" अहो ताई रडता कशाला शांत व्हा.. " मिताली तिला पियायला पाणी देते.

मुलीचा रडण्याचा आवाज ऐकुन तिची सासु स्वयंपाक घरात येते, " काय गं मिताली हिला काय झालं.. आणि ही अशी रडते का.. "
मिताली घाबरते, आता नणंद काही बोलेल आणि सासु तिची शाळा घेईल..

क्रमश..