अपबीट…6

Written by

मोकळे सोडलेले केस , काजळाची दाट रेघ आणि पाणीदार डोळे दारा समोर राधाला पाहून कान्हा जरा अवाक झाला आणि अगदी क्षणभरच का होईना तिच्या पाणीदार डोळ्यांच्या डोहात हरवला. आपल्या व्याकुळ नजरेने कबुली देऊ नये आपल्या प्रेमाची म्हणून तो लगेच त्याच्या रूममध्ये गेला.

तो फ्रेश होऊन रूममध्येच रोलिंग चेअर वर बसला , राधाने वाफाळता कॉफीचा मग त्याच्या समोर धरला त्याने चमकून तिच्याकडे पाहिले ती मधाळ हसत होती तो हसला एक क्षण पुन्हा गंभीर झाला .
कान्हा : आज इकडे का आलीस आणि हो ऑफिसमध्ये नव्हतीस
राधा : तुला कास समजलं ?लक्ष ठेऊन असतोस की काय ??
कान्हा : त्यापेक्षा बरे उद्योग आहेत मला.आणि ही कॉफी तू का आणलीस ?? ( अस म्हणून त्याने कॉफी जवळच्या वासमध्ये ओतली)
राधाचा डोळे भरून आले पण तीने चटकन ते पुसले तिने ठरवल्या प्रमाणे आता ती अजिबात हळवं वागणार नव्हती , आणि आता जे काम तिला करायचं होतं ते जरा कडक मन ठेऊन साध्य होणार होत .

थोड्या वेळाने राधा आणखी एक कॉफीचा मग घेऊन आली, आता तिने कपडे बदलले होते थ्री फोर्थ आणि ब्लॅक टी शर्ट . ती आरामात खिडकीत जाऊन बसली कान्हा सगळं पाहत होता . खरतर त्याला वाटलं ही कॉफी त्याच्यासाठी असेल. पण अस नव्हताच ,आधीची दिलेली कॉफी त्याने घेतली नाही सो आता काही बोलण्यात अर्थ नव्हता .त्याच लक्ष तिच्या गोबर्या गालांवर होत आणि मनात नसताना तो पटकन म्हणाला “राहणार आहेस का ?” तिने मानही न वळवता उत्तर दिलं ” हो, चार दिवस आई आणि सारंग बाहेर गेलेत म्हणून म्हंटल आत्याबरोबर वेळ घालवू”

शांतता खूपच बोलकी असते, म्हणजे आपण आपल्याशीच बोलतो मनातल्या मनात. तसे हे दोघेही मनातच बोलत होते .( राधा : नशीब इतकं तरी विचारलं, मलातर वाटलं होतं की हा काही मला भीक घालणार नाही पण ठीक आहे , सुरवात इतकीपण वाइट नाही उद्या ऑफीसच्या मीटिंग नंतर याला सरळ प्रपोज करणार नाही म्हणाला तर जबरदस्तीच करणार खडूस कुठला )

कान्हाच काही वेगळं चालू नव्हत तो ही मनात बोलत होताच.
( राधा का असं वागतीये कळत नाही.. मी वाईट वागलो तरी सहन केल तिने जणू आम्ही अनोळखी आहोत आम्हला काहीच भूतकाळ नाही. इतकं सहज मागे टाकलाय का तिने सगळं ? मला तो शंतनू भेटला नसता परवा तर मी अजूनही त्याच भ्रमात असतो की राधा एंगेज आहे आणि तिने मला फसवलं. पण तसं काहीच नव्हतं तो तर त्याच्या लग्नाची फोर्थ अनिव्हर्सरी सेलिब्रेट करत होता ह्याचा अर्थ तो तेव्हा म्यारीड होता, मी आणि बाबांनी ती मला शांतनूसाठी टाळतीये हा काढलेला अर्थ चुकीचा होता खरंतर मी बाबांचं न एकता तेव्हा सगळं खरखोट केलं असत तर कदाचित आज चित्र वेगळं असत … पण बाबांचा काय दोष त्यांना तर मीच सल्ला मागितला होता पण मग मायरला आणि माझ्यावर संशय घेऊन राधाने संबंध तोडले असतील तर मग आम्ही एकत्र राहूच शकत नाही संशयी स्वभावाच्या बायकोबरोबर कसं जमेल? नको रे बाबा … पण कधी कधी असही वाटत की काहीतरी आहे तिच्या मनाच्या तळाशी एखादा असा कप्पा जो माझ्यासमोर उघडायचा नसेल . आताच तीच वागणं हे तेव्हच्या तिच्याच वागण्याशी किती विसंगत आहे. आतातर लाईन देतीये सरळ सरळ बाकी अजुनही दिसते तशीच मोहक! मादक! आईला नको नको म्हणून पण तिच्या गोऱ्या पायांकडे लक्ष जातंय आपलं…ओह शिट तिने नोटिस केलं मला पाहताना.. अरे ही इकडे का येतीये ?)

त्याची अवस्था तिच्या नसजरेतून सुटली नाही ती त्याचा अगदिसमोर जाऊन बसली हनुवटीला हाताचा आधार देऊन जराशी वाकून ..आईग गेली विकेट!!!नजर चोरत कान्हा तिथून उठला खरा पण तिला कळलंच शेवटी .

राधा : तू जे cctv फुटेज मागवलेलास ना त्याची कॉपी ह्या pendrive मध्ये आहे

कान्हा :ok पण मी ते पाहिलंय ऑलरेडी nothing suspicious

राधा : चुकतोयस तू ….सगळी मेख इथेच आहे

कान्हा : म्हणजे ??

राधा : ये दाखवते तुला .

अस म्हणून राधाने लॅपटॉप मांडीवर घेतला आणि त्याला pendrive attach केला एव्हाना कान्हाला पण इंटरेस्ट आला होता तो तिच्या जवळ येऊन बसला . तिने फूटेज प्ले केलं आणि एका जागी पॉज केलं ” हे बघ हा ट्रक चुकून एक ओपन ट्रक आलाय त्यातुन matetial अनलोड करून स्टॉक इन ची एन्ट्री आहे पण आता खरी गंमत आहे ” अस म्हणत तिने विडिओ पुन्हा चालू केला तो ट्रक पुन्हा जात होता गोडवन मधून बाहेर पण तो लोडेड होता , पुन्हा पॉज करून राधाने कान्हाकडे सूचक नजरेने पाहिल

कान्हा : असे अजून किती आहेत ?

राधा : असतील बरेच पण महत्वाची गोष्ट अशी की हे सगळे एकाच कंपनीचे आहेत and according to MCA master data that company belongs to son in law of Mr Ahuja

कान्हा : म्हणजे HOD Purchase

राधा : आता मुद्दा असा की भरलेल्या ट्रक आणून त्या ना रिकाम्या करता परत पाठवल्या जातात हा ratio साधारण 5:1 असेल आणि ह्यात गोडउन सुपरवायझर इनवोल्व असणार , being employee I can not speak against Mr Ahuja but being Auditor for special task can mention this findings .

कान्हा खूपच खुश झाला होता राधाचा तर्क बरोबर होता आता पुढचा तपास त्याच्या बॉसशी बोलणं हे त्यालाच करायचं होतं तो लगेच कामला लागला

डायनिंग टेबलावर राधा दिसली नाही म्हणून त्याने आईला विचारलं , त्या म्हणाल्या ती जरा राऊंड मारायला गेली आहे आल्यावर जेवते म्हणली आई मी पण जरा आलोच म्हणत कान्हापन निघाला अर्थात फक्त राधाला थँक्स म्हणण्यासाठी बाकी काहीच नाही अजिबात नाही ,☺️

राधा बागेत झोपल्यावर बसून डोळे बंद करून गुणगुणत होती

” सांज ये गोकुळीं सावळी सावळी…”

तिला डिस्टर्ब न करता तो परत आला जेवला स्वयंपाक राधाने केला नव्हता म्हणून त्याला वाईट वाटलं पण बासुंदीच्या सुवसात त्याला राधाच्या हाताची चव कळलीच.

राधा दुसऱ्याच दिवशी तिच्या घरून निघून गेली . कान्हाला ते आवडले नाहीच पण कोणत्या अधिकाराने तिला थांबवावे हे त्याला उमजले नाही .

तिच्याशी पुन्हा नाते जोडावे आणि लग्न करावे का असा विचार यालाही त्याच्या डोक्यात पण त्याआधी त्याला हातातलं कामही संपवायचं होत आणि राधा त्याच्याशी आणि मायराशी अस वागल्याच खर करण शोधून काढायचं होत तेही तिच्या नकळत .

इकडे राधा जाण्याचं करण वेगळं होत खूप दिवसाच्या खटतोपनंतर तिला मायराचा कॉन्टॅक्ट मिळाला होता …..

Article Categories:
प्रेम

प्रतिक्रिया व्यक्त करा