असाही बालदिन

Written by

सोहम आणि स्पृहाने रागातच साक्षीच्या केबीनमधे प्रवेश केला. ती तिथे नव्हती. स्पृहाच लक्ष टेबलवर ठेवलेल्या भेटवस्तूंकडे गेलं. त्यावरचा मचकुर अर्धवट होता. आपल्यासाठी मचकुर लिहितांना तिला तात्काळ शस्त्रक्रिया विभागाकडे जावं लागलं होतं याची जाणीव होवून दोघांचाही राग शांत झाला. शेजारच्या खोलीत असलेले आजोबा औषध घ्यायला नकार देत आरडाओरडा करत होते. दोघांनी तिथं जाऊन साक्षी सांगते तसचं त्या आजोबांना समजावून सांगितलं. त्यांनी बालकांपुढे बालहट्ट मागे घेत इंजेक्शनही घेतलं.
तेवढ्यात आजोबांची समजूत काढण्यासाठी साक्षी तिथे पोहचली. समोरचे दृश्य पाहून,”बालदिनाच्या खूप खूप शुभेच्छा” म्हणत तिघांनाही चॉकलेट्स दिली. आजोबा त्यावर दिलखुलास हसले. मुले तिला प्रेमाने बिलगली आणि सगळ्यांनाच प्रगल्भतेची जाणीव करून देणारा बालदिन साजरा झाला.

©️ अंजली मीनानाथ धस्के

Article Categories:
मनोरंजन

प्रतिक्रिया व्यक्त करा