काहूर (गूढ प्रेम कथा)

Written by

काहूर (गूढ प्रेम कथा)

भाग 1

दिपक आज भलताच बिझी होता, आज अॉफीसमध्ये खास announcement होणार होती. दिपकवर यासर्वाची खास जबाबदारी होती… आॅफीसचा पूर्ण मेक ओवर करण्यात आला होता…. खास सजावट करण्यात आली होती. रिसेप्शनला पत्रकार सुद्धा जमा झाले होते… दिपकसह सगळाच स्टाफ उत्सुकतेने वाट पाहत होता…..

एकदाची काळी कोरी करकरीत मर्सिडीज गाडी गेटवर उभी राहिली. आधी गाडीतून पाठक उतरले, तसा दिपक पुढे आला…. ” Good morning.. Sir, please welcome ” …..पाठक नी मान डोलाउन त्याला थांबण्याचा इशारा दिला… पाठक हे राठोड गृप आॅफ कंपनीचे फार जूने आणि विश्वासू सहकारी आहेत….

गार्डने गाडीचं मागच दार उघडलं, तश्या सर्वांच्या नजरा खिळल्या…. एक पंचवीसीतील तरुणी गाडीतून उतरते, पायात ब्लॅक हिल्लसचे शूज, ब्लॅक स्कर्ट आणि पांढरा शुभ्र शर्ट, गळ्यात स्कार्फ, हातात नाजूक पण तितकच महागडं घड्याळ, रोल केलेले मोकळे केस खांद्यावर सोडलेले आणि त्यात भर म्हणजे तिच्या गोर्‍यापान चेहेऱ्यावर ब्राउन रंगाचा गॉगल, थोडा हटके होता पण तरीही, ती जाम भारी दिसत होती…. दिपक तर पहातच राहिला…..

सगळीकडे कॅमेराची फ्लॅश लाइट चमकायला लागली आणि दिपक भानावर आला….

पाठक : मॅडम…. ” this way please ” (वाट दाखवत )

गार्डने आणि दिपकने वाट करून दिली….

सगळे conference Hall मध्ये जमा झाले… टेबलवर already माईक बसवले होते…..

आता पाठक काय सांगणार आणि हि बाई कोण याकडेच सर्वांच लक्ष लागून होत..

पाठक : Good morning, everyone.. आज आपल्याला ईथे, आपल्या राठोड गृप अॉफ कंपनीच्या नविन मालकाची खास ओळख करून देताना मला खूप आनंद होत आहे…. Please welcome our new managing director, “मीरा राठोड”…..

सगळे आश्चर्यचकित होऊन टाळ्या वाजवतात…. सगळे आपसात कुजबूज सुरू करतात.
अरे हि मीरा राठोड आहे???? ….सरांची वाईफ ???….. येवढी यंग??? Mr. राठोड च्या अर्ध्या वयाची पण नाही …

दिपकही विचार करु लागला हिलाच वैतागून सर कुठेतरी निघून गेले???? कि हिनेच काही केलय…. सरांनी तर आधीच आपल्या मुलालाही बेदखल केलय, त्याला तर कोणी पाहिलसुद्धा नाही, तो पण कूठे आहे काय माहीत … आता ही काय कंपनी सांभाळणार… साधा फोरमलवर गॉगल निवडता येत नाही हिला….

माईकची धुरा स्वतःकडे सांभाळत…..

मीरा : (डोळ्यावरचा गॉगल काढत) Good morning, everybody ….. यापुढे आपल्याला एकत्र येऊन काम करायच आहे, अपेक्षा करते तुम्ही मला साथ द्याल… तुम्ही म्हणाल ही पंचवीशीतली मुलगी हा एवढा मोठा business empire काय संभाळणार जिला साधा गॉगल निवडता येत नाही …. हो ना मि. दिपक???? ( एक कटाक्ष टाकून) (दिपक पूरता गोंधळतो)

माझी कामाची पद्धत वेगळी आहे….. So!!!…. be careful ….

मग पत्रकारांशी संवाद साधून पाठक आणि मीरा केबिन मध्ये गेले……

पाठक : या मीरा मॅडम…. बसा.. तुमची खुर्ची सांभाळा….

मीरा : (खूर्चीवर हात ठेवून) नाही, ही जागा माझी नाही…. याचा खरा हकदार Mr. राठोड यांचा मुलगा आहे… पण जो पर्यंत तो सापडत नाही तो पर्यंत मी फक्त एक care taker आहे…. पण जगासमोर ही गोष्ट अजूनही आपल्याला अज्ञातच ठेवावी लागणार….

(इतक्यात दिपक दारावर नॉक करतो)

दिपक : May I come in….Madam ???

मीरा : Please come…. Mr. दिपक बोलताना विचार करत जा आपण कोणाबद्दल बोलतोय ते…. मला माणसाचा चेहरा पाहून कळत त्याच्या मनात काय चालले आहे ते… .

दिपक : I am sorry, Madam!!!

ईथे घरी आल्यावर दिपक भलतीच चिड चीड करतो, त्याची चीड चीड बघून त्याचा रूम पार्टनर समर त्याच्या या वागणुकिच कारण विचारतो .. दिपक त्याला सकाळपासूनची सगळी घटना सांगतो…. आता तुच सांग “समर” का चिडचीड नको करु???
पण काही बोल समर एक नंबर फटाकडी आहे यार ती…. आम्ही यंगस्टर काय मेलो होतो जे हिने या बापाच्या वयाच्या माणसाशी लग्न केलं आणि सर….. God knows… ते कुठेत …… by the way तुझी आज बॅंकेत मिटींग होती ना ?? काय झालं तुझ्या प्रपोजलच???

समर : काही नाही… .better luck next time…..

समर राजपूत ज्याला मोठा बिझिनेस करायचाय…. येवढच नाही तर त्याला राठोड गृप अॉफ कंपनी आपल्या नावावर करायचीए…. By hook or by crook……

क्रमशः

(कथा आवडल्यास  Like, share, comment नक्की करा   आणि मला follow करायला विसरू नका.)

Article Categories:
प्रेम

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत