आयुष्याच्या पायवाटी
लागले अनोळखी वळण
त्या क्षणाला नकळत
हळवे झाले माझे मन
त्या वळणावर होते
वळणावळणाचे घाट
जिथे सजला होता
निसर्गाचा सुंदर थाट
वळणावळणाचे घाट
जिथे सजला होता
निसर्गाचा सुंदर थाट
आपसुकच वळले त्या
वाटेवरती पाऊल
मनाला लागली एक
वेगळीच अनामिक चाहूल
वाटेवरती पाऊल
मनाला लागली एक
वेगळीच अनामिक चाहूल
त्याच अनोळखी वळणावर
झाली तुझी माझी भेट
हीच भेट रूतून बसली
काळजात घर करून थेट
झाली तुझी माझी भेट
हीच भेट रूतून बसली
काळजात घर करून थेट
ही भेट होती अगदीच छोटी
पण कायम राहिली आठवणीत
आठवण येता आसवांचे मोती
नयनांतून बरसे पाठवणीत
पण कायम राहिली आठवणीत
आठवण येता आसवांचे मोती
नयनांतून बरसे पाठवणीत