आणि तिने लढाई जिंकली भाग एक

ती अस्मिता देसाई, तिच्या लग्नाला फक्त सहा महिने झाले होते. तिच्या डोळ्यात अजूनही स्वप्नं उभार घेत होती संसाराची, हातातला हिरवा चुडा एवढ्यात उतरेल अशी कल्पनाही तिला नव्हती. एकांतामध्ये किती तरी वेळा तिच्या नवऱ्याने तो डाग बघितला असेल तेव्हा त्याला काहीच प्रॉब्लेम नव्हता पण आज मात्र त्याच्या घरचे तिला एवढं बोलत असताना तो गपचूप होता.
तर झालं असं कि त्या दिवशी सकाळी ती अंगणात कपडे धुत होती. हात हलवताना साडीचा पदर थोडा खाली सरकला आणि तिच्या मानेवरचे पांढरे डाग तिच्या सासूला दिसले. सासूने ते पाहिलं आणि बघतच बसली पुढच्याच क्षणी तिच्या आवाजाने घरातले सगळेच जमा झाले.