अनिश्चित बंधन... लग्न! भाग ५१ ( अंतिम भाग)

दिवस हळूहळू पुढे जाऊ लागतात आणि आर्यव्रत च्या जखमाही भरून येऊ लागतात... श्रेयसा सकाळी उठून आपल्या कॉलेजमध्ये जात होती आणि तिकडून मग येऊन आर्यव्रत सोबत पूर्ण दिवस हॉस्पिटलमध्ये बसून गप्पा मारत होती... ती आली की रेवती त्यांना वेळ मिळावा म्हणून घरी निघून जायची...  रोज सकाळचा नाश्ता आणि दुपारचे जेवण रेवती हॉस्पिटलमध्ये घेऊन येत होती तर रात्रीच जेवण सुरभी त्यांच्यासाठी घेऊन येत होती... सुरभी आर्यव्रत सोबत रेवती आणि आदित्य राज या दोघांसाठीही जेवण घेऊन येत होती... त्या दोन्ही घराचे संबंध आता खूपच छान झाले होते...