परकाया  भाग ७०

राहूल " त्या दिवशी मोटार बोट चे डेकोरेशन पण मी केले होते .. सगळे तुझ्या आवडीचे होते .. जय तुला अंगठी घालणार होता तर माझ्या कडून चुकून स्टिअरिंग हलले  आणि ती अंगठी पडली .. आणि तो तुला किस करणार होता तेव्हा पण मी मुद्दामून स्टेरिंग हलवणार होतो तर जय ला फोन आला .. "

समीरा  हसायला लागली .. “राहुल .. त्या पेक्षा तू मला सांगायचेस ना "

राहुल " अरे यार . .. आपण दोघे लहान पणा पासून एकत्र आहोत .. तुझे पूर्ण एडुकेशन .. तुझा जॉब ह्या सगळ्यात मी तुझ्या बरोबर आहे .. तरी तुला नाही कळले तर सांगून काय उपयोग .. तूच सांग "

राहुल " पण नंतर लगेच  जय गावी गेला .. आणि त्यामुळे तू खूप अपसेट होतीस .. त्या दिवशी आपण डिनर ला गेलो होतो तेव्हा तू खूप जय वर खूप चिडली होतीस .. त्या दिवशी रात्री मला खूप वाईट वाटले .. असे वाटले कि मी उगाच तुमच्या दोघांमध्ये येतोय .. त्या नंतर मी ठरवून टाकले कि तुला मी फक्त मैत्रीण म्हणूनच मानेल ..कारण तू खुश तर मी खुश .. पण नशीब बघ ना .. जय वर प्रेम करणारी त्याची वाट बघत होती .. परिस्थिती अशी आली कि जय ला वसू  शी लग्न करावे लागले .. तरी पण मी वसू  ला पण समजावले होते कि तू लवकर या दोघांना मोकळा करून टाक .. वसू चे जय वर एवढे प्रेम होते कि ती जीव द्यायला पण तयार झाली होती तरी ती तुमच्या दोघांसाठी जय ला सोडायला तयार झाली होती .. पुन्हा परिस्थिती तुमच्या दोघांच्या बाजूने तयार होत होती आणि वसू  आणि मी मनापासून तुम्हा दोघांना एकत्र आणायला तयार  झालो होतो .. मी डॅड ला सांगून तुला आणि जय ला मुद्दामून एकत्र मिटिंग ला पाठवली होती ..