क्षण मोहाचा , काळ प्रीतीचा भाग १४

अमेयने गाडीतून उतरताच आपल् नाक अधिकच आकसून घेतल. त्याने तिरस्काराने वाड्याच्या त्या शेवाळ उगवलेल्या भिंतींकडे, जुन्या लाकडी खांबांकडे आणि तिथे वाळत घातलेल्या कपड्यांकडे पाहिले. त्याला इथे येण्यात काडीचाही रस नव्हता, पण साक्षी आदल्या दिवशी ऑफिसमधून निघताना स्कायलाईन प्रोजेक्टची एक अत्यंत महत्त्वाची टेक्निकल फाईल चुकून घरी घेऊन आली होती. अमेयला ती फाईल एका महत्वाच्या झूम मिटिंगसाठी हवी होती, म्हणून वैतागून तो स्वतः पत्ता शोधत इथे आला होता.