परशुरामांचा शाप भाग ३

"गुरुदेव, मला क्षमा करा. मी असत्य बोललो नसतो, तर मला ही धनुर्विद्या मिळाली असती का? मी कपट केले, कारण माझ्याकडे दुसरा कोणताही मार्ग नव्हता. जेव्हा मी गुरु द्रोणाचार्यांकडे धनुर्विद्या शिकायला गेलो, तेव्हा त्यांनी मला शिकविण्यास नकार दिला, कारण मी सूतपुत्र होतो. त्यांनी मला फक्त पांडव आणि कौरवांच्या राजपुत्रांसोबत राहून त्यांची सेवा करायला सांगितले आणि तुम्ही सुद्धा फक्त ब्राह्मणांनाच विद्या देत होतात. मला माहित होते की, जर मी माझे सत्य सांगितले, तर तुम्हीसुद्धा मला शिकवणार नाहीत. गुरुदेव, सामर्थ्य असूनही फक्त जातीच्या नावाखाली होणाऱ्या अन्यायामुळे मला विद्या मिळाली असती का? माझ्यावर होत असलेल्या या अन्यायामुळेच मला माझ्या अस्तित्वासाठी असत्याचा आश्रय घ्यावा लागला."