पहिलं भाडं! भाग १

सकाळी सूर्य नुकताच आकाशात कोवळे ऊन पसरवत होता. गावाच्या रस्त्यांवर अजूनही धुक्याचे सावट पसरले होते. पंधरा वर्षांचा दीपक आज खूप उत्साहात होता. दीपकला आपल्या वडिलांची रिक्षा चालवण्याची भारी हौस होती. वडील रिक्षा ठेवून गेले की, तो एकटाच आपल्या घराच्या समोर असलेल्या अंगणात त्यावर बसून चालवायला शिकत होता. त्याच्या वडिलांनाही त्याची ही हौस समजली होती. त्याचे वडीलही त्याला काही बोलत नव्हते.