वैतागवाडीचे सासू संमेलन अंतिम भाग

मागल्या वर्षीच्या दिवाळीत तर तिने कमालच केली. पूजेचे सामान आणायला म्हणून मी जरा बाजारात गेले तर तेवढ्या वेळात आमच्या सुनबाईंनी अर्धा किलो डिटर्जंट पाण्यात मिसळून अंगणात सडा शिंपला. हेही नसे थोडके म्हणून घरातही तीच तऱ्हा. घरी आल्यावर साबणाच्या पाण्यावरून पाय घसरल्यावर मी म्हटलं ‘सुनबाई हे साबणाचे पाणी का पूसलं नाही?’ तर म्हणते कशी, ‘काय सासुबाई टीव्हीवर एवढी जाहिरात करतात ना की कपडे स्वच्छ धुवायचे असतील तर निदान अर्धा तास तरी डिटर्जंटच्या पाण्यात बुडवून ठेवा. आपलं अंगण आणि घर तर किती खराब झालं आहे, निदान सहा ते आठ तास तरी ते डिटर्जंटच्या पाण्यात नाही का भिजून ठेवावं लागणार?” सांगा आता माझ्यासारख्या बापूडीने कुणाच्या तोंडाकडे बघावं आणि कुठे दाद मागावी?”