शुद्ध बीजापोटी फळे रसाळ गोमटी अर्थ meaning in marathi

तन्मय हा गावाच्या बाहेर घर असणाऱ्या विठ्ठल पंतांचा मुलगा.
त्याच्या वयाच्या मुला मुलींना जेव्हा कॉन्व्हेंट स्कूलमध्ये टाकण्यात आलं तेव्हा विठ्ठल पंतांना फार मोठी काळजी लागली होती, कारण घरी पुरेसे धनद्रव्य नव्हते.
विठ्ठल आणि त्याची पत्नी दोघे दिवस रात्र दुसऱ्यांच्या शेतात कबाड कष्ट करत पण तरीसुद्धा संसाराला जितके केले तितके कमीच आता मुलाला महागड्या शाळेत टाकायचे म्हटल्यावर खर्च भागणार कसा ?
या चिंतेत दोघे असताना मुलाने संध्याकाळचे दिवे लावून हरिपाठ म्हणायला सुरुवात केली आई बाबा दोघांच्याही डोळ्यात चमक उतरली.
तन्मय ने त्यांच्याकडे पाहून एक स्मित हस्य केलं.
चार वर्षानंतर फक्त नऊ वर्षाचा तन्मय आज गावाच्या मोठ्या मारुतीच्या मंदिरावर स्वतःचे कीर्तन सादर करत होता.
एवढ्या छोट्या वयातला कीर्तनकार अवघ्या पंचक्रुशीत कोणीच नव्हतं त्या दिवशीच कीर्तन इतका भव्य झालं याची दुसऱ्या हप्त्यात पुन्हा तन्मयच्या कीर्तनाचा कार्यक्रम ठेवण्यात आला आणि आता आस पासच्या गावची सगळी लोक तिथे जमली होती.
तन्मय चा मधुरा आवाज, त्याची तल्लख बुद्धी त्याच्या चेहऱ्यावरील तेज आणि बोलण्यातला सौम्यपणा सगळ्यांना भावून गेला.
विठ्ठल पंत आणि त्यांची पत्नी फार खुश होते कारण गावातल्या प्रत्येकाच्या तोंडात तन्मयचच कौतुक होतं.
त्यादिवशी तन्मयने सांगितलेला...अगदी सहा वर्षाच्या तन्मयने सांगितलेला निर्णय ,त्याच्या आई वडिलांनी मान्य केला तो असा की त्याला आळंदीला भक्ती सांप्रदायाची दीक्षा घ्यायला जायचे आणि तो तिथेच त्याचा शिक्षण सरकारी शाळेतून पूर्ण करेल.
परिस्थिती आणि मुलाची इच्छा दोन्ही बघून त्यांनी सुद्धा तो निर्णय मान्य केला कदाचित तन्मय इतक्या लहान वयात समजूतदार असणे हे त्याच्या आईवडिलांचे श्रेय म्हणजे आज संपूर्ण गावचे बोलत आहे की " शुद्ध बीजाच्या पोटी फळे रसाळ गोमटी ‌" ते अगदी खरे आहे विठ्ठल पंत आणि त्यांच्या पत्नीच्या आयुष्यभराच्या सत्कर्माचे फळ म्हणजे तन्मय.