फक्त चार दिवस सुनेचे? भाग १

दोन महिन्यांपूर्वीच त्या दोघांच्याही बघण्याचा कार्यक्रम झाला होता. शहरातून तिच्या आई-वडिलांसोबत ती गावी आली होती. दोघांचीही जोडी एकमेकांना पूरक अशी होती त्यामुळे घरच्यांनाही जोडी आवडली. त्या दोघांना एकमेकांसोबत बोलण्यासाठी बाहेर अंगणात पाठवण्यात आले. विक्रम आणि अनाया दोघेही बाहेर अंगणात जाऊन शांत बसले होते. दोघांचीही ही पहिलीच भेट असल्यामुळे एकमेकांसोबत काय बोलावे त्यांना सुचत नव्हते.