फक्त चार दिवस सुनेचे ? भाग २

विक्रमने तिच्यासाठी बनवलेले पाच तोळ्याचे मोठे मंगळसूत्र तिच्या गळ्यात घातले. आधीच दागिन्यांच्या ओझ्याला ती त्रासलेली. अजून एक दागिना पाहून खरंतर तिच्या मनामध्ये वेगळेच भाव निर्माण होऊ लागले; पण मंगळसूत्राचे खरे महत्त्व तिलाही माहीत होते आणि आज तिच्या गळ्यातही तो दागिना आला होता त्यामुळे या दागिन्यासोबत आलेली जबाबदारीही आपण पूर्ण मनापासून पार पाडायची, असा तिने मनोमन विचार केला.