चालाख ' कहाणी ' ची १० वर्षे

कथेच्या सुरुवातीस कलकत्ता शहराच्या मेट्रोत एक दुर्घटना घडते. ज्यात अनेक निष्पाप जीवांचा बळी जातो. दोन वर्षानंतर विद्या बागची ( विद्या बालन - रॉय कपूर ) नामक एक तरुण गर्भवती स्त्री लंडनहून कलकत्त्याला येते. सर्वप्रथम विद्या थेट पोलीस स्टेशन ला येऊन आपला, कामानिमित्त महिन्याभरासाठी कलकत्त्यास आलेला व पुन्हा न परतलेला पती \" अर्णव बागची \" बेपत्ता झाल्याची तक्रार नोंदवते. त्यानंतर स्वतःही आपल्या परीने पतीच्या शोध घेण्यास सुरुवात करते. ज्यात तिला मदत करतो असिस्टंट सब इंस्पेक्टर सात्यकी सिन्हा / राणा ( परमव्रत चटर्जी ) .
अर्णव बागची थांबला असलेल्या एका गेस्ट हाऊसमध्ये चौकशी केल्यावर या नावाचा कुठलाही व्यक्ती तिथे राहिला नसल्याचे समजते. अर्णव च्या कलकत्त्यातील ऑफिस मध्ये विचारणा केल्या नंतरही आधी हेच सांगितले जाते. मात्र नंतर, दोन वर्षांपूर्वी अर्णव बागची च्याच चेहऱ्या मोहऱ्याचा मिलन दामजी ( इंद्रनील सेनगुप्ता ) नावाचा तिथे एक काम करत असल्याची जराशी आश्चर्यकारक माहिती समजते. अन् कथेला वेगळेच, थरारक वळण येते. पुढे खूप धक्कादायक खुलासे समोर येतात ; पण शेवट मात्र अत्यंत अकल्पनीय, व घडलेल्या घटनांची परिमाणं, त्यांचे कार्यकारणभाव पूर्णपणे बदलून टाकणारा ठरतो. आणि तितकाच भावनिकही.