दोघांचा संसार सावरे परिवार

त्यांना वेगळे राहून आता जवळ जवळ वर्ष होत आले होते..... वेगळे राहायला गेल्यानंतर ती जास्त सासरी आलीच नव्हती, परंतु सासूच्या हातचा डबा मात्र आवर्जून खात होती..... आपल्या नवऱ्याचे बदललेले वागणे हळूहळू दिव्याच्या ही लक्षात येऊ लागले...... त्या व्यतिरिक्त आपल्या सासू-सासर्‍यांची ही आठवण तिला येऊ लागली ...... त्यांनी कधीच तीला कोणत्या बंधनात ठेवण्याचा प्रयत्न केला नव्हता, प्रणिता सारखं मुलीप्रमाणेच ते दिव्याला मानत होते....... तीलाच स्वच्छंद जगायचे होते म्हणून तिने वेगळ्या घरात राहणे निवडले होते, परंतु असे वेगळे राहून संसार होत नाही ही गोष्ट आता तिच्या चांगलीच लक्षात आली होती...... आपल्या नवऱ्याचे सुख कशात आहे हे तिला चांगले समजले होते.......