आभाळाएवढी तिची माया. भाग - ४

"प्रशांत, तुम्ही बबलीला त्या घरी पाठवले ना. तिला तिकडे पाठवायच्या आधी तुम्हाला मला एकदाही विचारावसं नाही वाटलं का? पण मी म्हणतेय एकदा आपण तिथून आलोय ना मग तुम्हाला परत तिकडे तिला पाठवायची गरजच काय होती?" निशा आवाज चढवत म्हणाली. तिचं असं काही माहिती करून न घेता बोलणं प्रशांतला आजिबात आवडलं नाही. तो उठला आणि तिच्याकडे रागाने बघू लागला. त्याच्या डोळ्यातला राग पाहून निशा जरा घाबरलीच.