आभाळाएवढी तिची माया. भाग - ५ (अंतिम भाग)

"तुला विचारायला किंवा सांगायला तू कोणाचं काही ऐकून घेत असते का? काल चिंटूने तुला किती वेळा फोन केला पण तू एकदाही उचचला नाही, रात्री घरी आली तेव्हा मी सांगत होतो तर माझंही ऐकलं नाही. घरात आणि मुलांकडे एवढं दुर्लक्ष करून चालत नाही निशा. मान्य आहे की तू नोकरी करतेय पण घरातही थोडं फार लक्ष हवं, काल बबली तापाने फणफणत होती आणि आता ती हाॅस्पीटलमध्ये ॲडमिट आहे. ही गोष्ट तुला माहिती नाही, म्हणजे तू विचार कर. किती चुकीचे वागतेय तू. एवढं सगळं होऊन सुद्धा तू बबली कुठे आहे असं नाही विचारलं तर डायरेक्ट ओरडायला सुरुवात केली." प्रशांतचा आज आवाज वाढला. बबलीला ताप आहे हे ऐकून निशाला मेल्याहून मेल्यासारखे झाले.