आईची शिकवण भाग - ३

जुई कॉलेजसाठी बाहेर गावी जाणार. आपल्यापासून तिकडे लांब राहून शिकणार; म्हणून निलिमा थोडी काळजीत होती. आनंद तर होताच पण घरापासून लांब राहायला तशी ती पहिल्यांदाच जाणार होती. याआधी तर कधी तिने तिच्या माहेरी देखील सोडले नव्हते, पण आता तिला लांब राहावेच लागणार होते. शेवटी आईच ती, एकुलती एक मुलगी आणि शिकायला लांब जाणार म्हणून थोडी बेचैन झाली होती.
'अजूनही लहान आहे जुई; त्यामुळे काळजी वाटतं होती. कशी राहणार आपली लेक तिकडे एकटी? वेळेवर जेवण खाणं, तिच्या हातात सगळ्या वस्तू द्याव्या लागतं होत्या. आता तिकडे एकटी राहिल्यावर कोण करणार तिच्यासाठी हे सगळं?'
असे म्हणून निलिमा काळजी करत बसली होती.