आईची शिकवण भाग - ४

गाडीत बसूनही निलिमा जुईला काय करायचं काय नाही हे सांगत होती. जुई फक्त ऐकायचं म्हणून ऐकत होती, कारण तिला हे घरात असतानाही चार चार वेळा सांगून झाले होते. मुलीच्या जातीने कसे राहायला हवे कसे नाही? कोणाशी बोलायचं कोणाशी नाही? हे सुध्दा ती सांगत होती. कोणी कुठे चल म्हणाले तर लगेच जायचं नाही. अशा अनेक गोष्टी ती सांगत होती. शेवटी आईच ती, लेकीच्या काळजीने हे सारं बाहेर पडत होतं.