आईची समजूत घालतांना भाग 3

इकडे रवीची आई ही सतत त्याला फोन करून सांगत ,अरे कधी तरी एकदा घरी येऊन जा ,माझ्या मेलीची इच्छा पूर्ण करून जा, मुलांना आजी आजोबा आहेत हे कळू दे, आणि आम्हाला ही त्यांच्या प्रेमात तिष्ठत ठेवू नकोस, तुम्ही येऊन गेलात तर घर कसे भरल्यासारखे वाटते, एकटेपणा दूर होतो ,तुमच्या सोबत काही दिवस आनंदात जातात, मूठ भर मास चढते बघ म्हणत आई आपल्या मनातली खंत बोलून दाखवत..
पण त्यांना दोघांना ही सुट्टीची अडचण असल्याने ते ही येऊ शकत नव्हते, मग हा त्याचा आईवडिलांना समजावत तर ती तिच्या आईवडिलांना समजून सांगत ,आणि मग कुठे दिवाळीला सुट्टी काढून पूर्ण 10 दिवस दोघे पुण्यात येत, त्यातले 5 दिवस ती तिच्या आईवडिलांकडे जात आणि हा आपल्या आईवडिलांकडे जात, त्यात नातू आईच्या आई वडिलांकडे 5 दिवस आणि बाकी 5।दिवस वडिलांच्या आई वडिलांकडे, त्यात ते दिवस कसे भुर उडून जात ,पण तरी ही आजी आजोबांचे मन भरत नसत...डोळ्यात अश्रू च्या धारा, मन अजूनच तळमळत मुलांच्या भेटीसाठी, मग वर्षभर ह्या दिवाळीची वाट बघत बसत ते म्हतारी जोडपी... मुलं सहज म्हणून जात ,अग येऊ आम्ही ,आहोतच ना आपण सतत फोन वर, दिसतो ना आम्ही तुम्हाला विडिओ मध्ये ,मुलं ही दिसतातच ना, मग हा दुरावा कसला म्हणतेस,।मला तर तुम्ही जणू बाजूलाच असल्या सारखे वाटतात...