आजच्या युगातील सावित्री (भाग - १)

आज ऑफीसला जायचं असल्याने नेहमीपेक्षा लवकर लवकर उठली होती ती. लग्नाआधी ती ऑफीसला जायची पण लग्नानंतर, 'आदित्य चांगला कमवतो. तू सुद्धा ऑफीसला गेलीस तर घरातलं कोण बघेल? अश्विनीला अभ्यासात मदत कोण करेल? आणि मलाही एकुलत्या एक सुनेचे लाड करायचेत.' हे कारण पुढे करून उमा बाईंनी तिला तिची नोकरी सोडायला लावली होती. तिनेही सासूबाईंच्या आग्रहाखातर आदित्य नको म्हणत असतानाही नोकरीला हसत हसत राजीनामा दिला होता पण आजची परिस्थिती वेगळी होती.