आनंदी हे जग सारे ( अंतिम भाग )

"थांबा, आनंदीला जवळ घेण्याचा किंवा तिचा अभिमान बाळगण्याचा तुम्हाला काहीही हक्क नाहीये. एक स्पेशल मुलगी म्हणून तिच्यावर अन्याय करणाऱ्या सगळ्याच लोकांना आज तिने "स्पेशल" असणं काय असतं हे दाखवून दिलंय. सगळ्या जगासाठी ती म्हणजे एक प्रेरणा ठरली आहे पण जेव्हा खरी गरज होती तेव्हा ज्या घराने आम्हाला झिडकारले. त्या घरात आता पुन्हा येणं शक्य नाही. आम्ही आमच्या जगात सुखी आहोत. तिकडे अश्या कोणत्याही वाईट गोष्टी आमच्याजवळ येऊ शकत नाहीत. माझी मुलगी आता कुठल्याही आधाराशिवाय आयुष्य जगू शकते. तिने जगात नाव कमावले आहे, ते फक्त "आनंदी" म्हणून हो एक स्पेशल व्यक्ती म्हणून आणि त्याचा आम्हाला अभिमान आहे. आता आमच्या आनंदी जगात आम्ही खरंच सुखात, समाधानात आणि मुख्य म्हणजे प्रेमाच्या माणसांच्या सहवासात आहोत. त्यासाठी देवाचे खूपच आभार मानते मी. निघतो आम्ही आमच्या जगात. आमच्या आनंदी जगात..." समरला काही बोलण्याची संधी न देता सुरभी आनंदी सोबत निघून गेली. त्यांच्या स्वतःच्या स्पेशल जगात. जिकडे आता फक्त आनंदी आनंद होता.