आनंदी हे जग सारे ( भाग १० )

"अग बस ना सुरभी. किती टेन्शनमध्ये दिसतेयस. घे पाणी पी. तुझ्या घरच्यांबद्दल ऐकून खरंच खूप राग आला आणि वाईटही वाटलं बघ. किती गोड आहे आपली आनंदी? इतक्या गोड मुलीबद्दल त्यांना प्रेम वाटू नये? का तर ती नॉर्मल नाही? त्याचंच रक्त आहे ना ते? खरंतर मला त्यांना जाऊन चांगलं खडसवायच आहे पण तरीही गप्प बसले आहे मी. असे अनुभव अनेक ठिकाणी येतात पण तुझ्यासारख्या उचब्रू, सुसंस्कृत घरात हे असं वागणं? पण तू आजिबात काळजी करू नकोस. आता तू तिथे आजिबात राहू नकोस. हे बघ तू आम्हाला मुलीसारखी आहेस. गोरे अण्णांनी तुला दोन पर्याय दिले आहेत. एकतर तू त्यांच्या घरी आनंदी सोबत राहू शकतेस. तसंही त्यांच्याकडे कोणीच नाही आणि तुला ते मुलीसारखं मानतात. नाहीतर तू इकडे संस्थेत राहू शकतेस. मी राहते तिकडे तुझी सोय होऊ शकते. मला माहिती आहे तुला असच राहणं आवडणार नाही. तसंही आपल्या इथे सुपर वायझरची जागा ओपन आहे, तेव्हा तू ते काम करावस असं आम्हाला वाटतं. बाकी तुला तर सगळं माहिती आहेच. बाकी काही काळजी करू नकोस. आम्ही आहोतच. तुला हवं तर तू डीवोर्स घे. माझ्या ओळखीचे आहेत वकील. आपण कायद्यानं लढूया. तुझा आणि आनंदीचा हक्क तिला मिळेलच."