आनंदी हे जग सारे ( भाग ६ )

"सो सॉरी मिस सुरभी. तुमच्या बाबांचं ऐकून खूपच वाईट वाटलं पण आपल्या हातात काहीच नसतं ना. तुमच्या आई आणि घरचे कसे आहेत? तुम्ही जर जॉईन करू शकणार असाल तर तुमची पोझिशन अजून तुमच्यासाठी ओपन आहे पण स्पष्टच सांगतो मला हे वागणं जमणार नाही. इथे सगळं काही व्यवस्थित असावं असा माझा स्वभाव आहे. कोणालाही आपल्यामुळे त्रास होईल असं वागणं यापुढेमाझ्या स्टाफच असायला नको. तुमचा प्रॉब्लेम जेनुअन होता, हे मान्य आहे पण एखादा फोन किंवा मॅसेज तुम्ही करायला हवा होता. राजने सांगितलं म्हणून बरं. किती काळजी वाटतं होती मला. एकदम न सांगता निघून गेलात? मी मदत केली असती पण ठीक आहे यापुढे मला खडूस बॉस समजू नका. कधीपासून जॉईन होऊ शकता तुम्ही?" समर मनातलं बोलून गेला