आवाज.... भाग - १०

मायाचा श्वास अनियमित झाला होता. ती आपल्या खोलीत बसून आरशाकडे पाहत होती. तिला सगळं काही सामान्य दिसत होतं... पण आरशाच्या तळाशी धुक्याचा एक पातळ थर हलत होता. मग अचानक, त्या धुक्यातून एक हात बाहेर आला… तो पांढरा, थंड आणि जिवंत दिसत होता. तो बघून माया किंचाळली. ती मागे सरकली, पण त्या हातानं आरशाची चौकट पकडली, आणि हळूहळू बाहेर ओढू लागला. तिला ती सिया दिसत होती. पण ती सिया वेगळी होती. तिच्या डोळ्यात निळं तेज होतं, आणि चेहऱ्यावर एक शांत, पण भयावह भाव होते. ते बघून माया थरथरली,