अबोल स्वभाव भाग-१

आता हेच बघ ना, आधी तर तुला जेवणामध्ये मीठ किती घालायचं हे समजत नव्हते. कधी तुझ्याकडून चुकून मीठ जास्त व्हायचं, तर कधी कमी व्हायचं; पण तेव्हा तू नवीनच आहेस आणि आम्ही तुला समजून घ्यायचं; हाच विचार आमचा नेहमी असायचा. तू मनापासून शिकण्याचा प्रयत्न करतेस आणि थोड्याफार सुरुवातीला या चुका होतातच, तसं नात्यांमध्ये सुद्धा असतं. कुठल्याही नात्याची वीण, ही घट्ट होईपर्यंत त्याला वेळ द्यावा लागतो. तसेच समजून घेण्याचा आपण प्रयत्न करायचा, पण ज्यावेळेस खरंच समजत नसेल त्यावेळेस शब्द कामी येतात."  तिची आई, त्यांचा एवढ्या वर्षाचा अनुभव तिला सांगत होती.