अचानक (भाग ५ अंतिम)

“हो आणणार. खरंतर तुझ्यामुळेच ती हे घर सोडून गेली. प्रेमविवाह होता ना आमचा आणि त्यातल्या त्यात ती गरीब घराण्यातली होती. तू तिला सतत गरीब म्हणून हिणवलं आणि सतत माझ्या डोक्यात श्रीमंती कशी चांगली तेच भरलंस. प्रिया मला किती सांगायची, पैसा जपून वापर. उगीचच मोठेपणा मिरवण्यासाठी लोन घेऊ नकोस; पण मी तुझ्या बोलण्यात येत गेलो. आता मला माझी चूक कळली आहे.” सोहम म्हणाला. त्याचदिवशी सगळे गावावरून परत आले. सोहम सतत प्रियाला फोन करत होता; पण प्रिया त्याला उत्तर देत नव्हती.