आदरणीय लेखिका छाया राऊत : शिक्षणाच्या ज्ञानगंगेतून लेखणीचा उदय ..!!

ऐतिहासिक वारसा लाभलेल्या अमरावतीने अनेक गुणी व संपन्न लेखक, लेखिका समाजाला बहाल केल्या. इथल्या मातीशी इमान राखत लेखकांनी साहित्यिक क्षेत्रात मोलाची भर घातली.याच मातीत छायाजी यांचा जन्म झाला. आईवडिलांचे सुयोग्य संस्कार यामुळे त्यांचे बालपण चांगले गेले.गरीब परिस्थितीत छायाजी यांनी शालेय शिक्षण घेतले. शेजारील मुलगा याला साहित्याची खूप आवड होती त्याच्यासोबत ही लहान भांवडे पाणी आणत असता तो कविता म्हणून दाखवत असे.तो पुस्तके वाचायला देत होता यातून छायाजी यांना वाचनाची आवड निर्माण झाली.शालेय जीवनात ही आवड त्यांनी मनापासून जपली. जीवनात संर्घर्ष बालपणापा सहन केला आहे. पावसाळ्याच्या सुरवातीला सोसाट्याच्या वा-याने घराचे पत्रे उडून गेले त्यामुळे पावसात काढलेली रात्र आणि राहते घर बांधत असताना पडलेल्या भिंती या संकटावर मात करत छायाजीनी आपले जीवन व्यतीत केले आहे. जीवनातील ही आठवण त्यांना संस्मरणीय वाटते.