अडचण

वासंतीताई बंटीला जवळ बसवून भाजी साफ करू लागल्या आणि ते दोघे बाप लेक टिव्हीवरच्या बातम्या बघत बसले.
त्या दोघांनीही काहीच कानावर पडले नाही असे दाखवले.

असेच दिवस जात होते. सूनबाईंची कुरबुर अधूनमधून कानावर पडत होती. सासरे रघुनाथराव दिवसभर घरीच असत, त्यामुळे तिला अवघडल्यासारखे वाटत होते. तिचा मैत्रिणींचा ग्रुप कुठे कुठे बाहेर फिरायला जायचा; पण तिला जाता येत नव्हते. "मूल लहान आहे अजून. त्याला घेऊन नको जाऊस." असं सासरे बोलले होते त्याचा तिला राग आला होता.

बंटी एक वर्षाचा झाला होता. त्याचा पहिला वाढदिवस म्हणून निताचे आईबाबाही वाढदिवसाला आले होते. वाढदिवस अतिशय आनंदात पार पडला. निताची आई दोन दिवस राहिली होती.