अधीर मन झाले! भाग -९

"कोण कुठला अनाथ मुलगा मी. प्रेमाची माणसं कशी असतात हे सुद्धा ठाऊक नव्हते गं मला. तुमच्या कुटुंबाने मला आपल्यात समावलं त्याचे ऋण कसे फेडू हेही मला कळत नाही. जेव्हा तुझ्या डोळ्यात माझ्यासाठी प्रेम दिसले तेव्हा मला किती आनंद झाला म्हणून सांगू? जी मुलगी मला आवडते तिला मीसुद्धा आवडतो ही फिलिंग किती भारी होती. माझ्या विराण आयुष्यात तुझ्या रूपाने मेघ बरसले आणि मी त्या प्रेमात वाहून गेलो. परिस्थितीने लगेच मला आकाशातून जमिनीवर आणले.
मेघा आपले मार्ग निराळे आहेत. माझ्यासोबत तुझे काहीच भविष्य नाहीये गं."  बोलताना तो हळवा झाला होता.