अधीर मन झाले..(भाग ६२)

"तसं नाही ताई, पण ही वेळ पुन्हा येणार नाही ना. तसंही आपल्या घरातलं हे शेवटचं लग्न. त्यात बिचाऱ्या कार्तिकीची अवस्था. तिला म्हणावं तसं एन्जॉय पण करता आलं नाही. दीराच्या आणि बहिणीच्या लग्नात सगळ्यात जास्त एन्जॉय करण्याचा तिचा अधिकार आहे. पण तोही आनंद तिला घेता येत नाहीये. एका गृहप्रवेश झाला की मग होईल संभव आणि ओवीचा संसार सुरू आणि मग कार्तिकीलाही छोट्या पिल्लासाठी बरेच रुल्स फॉलो करत बसावं लागणार. एकदा त्यात अडकलं की अडकलं, मग लवकर तिची सुटका नाही त्यातून. हेच दिवस आहेत करू द्या थोडं एन्जॉय."