अगर तुम साथ हो.. भाग १२

"नाही.." फक्त एवढंच बोलून रितेश बाहेर निघून गेला. 'मला माहित होतं, तू त्यांना सांगणार नाहीस. मी माझं काम केलं आहे. ते आले तर तुमचं नशीब. फक्त त्यांना तिथे बघून चिडू नकोस म्हणजे झालं.' स्वतःशीच पुटपुटत काव्या आत कपडे बदलायला गेली. रितेशने खरंतर तिला आजपासून नवीन हॉटेल सुरू होणार आहे एवढेच सांगितले होते. तिला रितेश आईवडिलांपासून दुरावलेला बघवत नव्हतं. म्हणून तिने त्यांना हॉटेलमध्ये बोलावले होते. त्यानिमित्ताने त्यांच्यात दिलजमाई झाली तर तिला हवीच होती. शेवटी सगळं देवावर सोपवून काव्या आवरायला गेली. बाहेर रितेश मात्र येरझार्‍या झालत होता. त्याचे आईबाबा त्याला या क्षणी त्याचे कौतुक करायला हवे होते.. पण अहंकार आड येत होता.