अघटीत... भाग ३

तुम्हाला सांगते श्रीवर्धन कधी कधी असे वाटते की, भूतकाळात जाऊन चुका दुरुस्त करणे शक्य असते तर किती बरे झाले असते. आम्ही देखील आमची चूक दुरुस्त केली असती किंवा त्यावेळी तुमच्या ताईसाहेबांचे ऐकून अतुलला भेटलो असतो तर कदाचित राजेश्वरी आज आपल्या सोबत असत्या. अघटीत घडण्यापसून आपण वाचलो असतो. पण नियतीच्या मनात काही औरच होते. विनाश काले विपरीत बुद्धी म्हणतात ते काही खोटे नाही. आम्ही ही म्हण आज तगायत फक्त ऐकून होतो. पण आता त्याचा प्रत्यय आम्हाला आला. त्याची किंमत ही आम्हाला मोजावी लागली. तीही इतकी महाग की, आयुष्यभर त्याची भरपाई होऊ शकणार नाही.” इतक्यावेळ रोखून ठेवलेला बांध आता मात्र तुटला आणि पाण्याने त्याचा मार्ग मोकळा करून घेतला.