अघटीत... भाग ११ (अंतिम)

“आमचे काम झाल्यावर तिचा काय उपयोग होता? आणि असेही ती मला माझ्या डोळ्यांसमोर नकोच होती त्यामुळे ती मारणार हे नक्कीच होते. त्या दिवशी वीर फार्म हाऊस वर गेला तेव्हा थोडा नशेत होता. रात्री उशिरा ऋषभ देखील तिथे आला तेव्हा दोघांचे संभाषण राजेश्वरीने ऐकले ऋषभला देखील तिने बघितले होते. त्यामुळे त्याचं दिवशी तिला मारणे गरजेचे झाले होते. म्हणून वेळ न घालवता ऋषभने तिच्या डोक्यावर वार केला आणि ती जागीच कोसळली. राजेश्वरी पहाटे लवकर फार्महाऊस वरून निघाली, घाटात गडद धुक्यात एका ट्रकने त्यांच्या गाडीला टक्कर दिली. ज्यात ड्रायव्हर सह तिचा देखील मृत्यू झाला. सहानुभूतीला आम्ही होतोच. पण कोणाला माहीत नव्हते की, करते करविते आम्हीच आहोत.