अहंकाराचा फुगा भाग -३ अंतिम

तू जे काल म्हणालीस ना कशाला गेला होतास ?
आई, अगं बाबांना दोन दिवसापासून बरे नाही ते ऍडमिट होते दवाखान्यात .मला काल समजले. मी दवाखान्यात भेटायला गेलो. त्यांना मला काय काय सांगू असे होवून गेले. तिथे त्यांच्याशी जे माझे जे बोलणे झाले त्यातून मात्र मी पुरता हादरलो.
अगं आई, ते पूर्णपणे डिप्रेशन मध्ये गेले आहेत गं. त्यांनाही तुझ्याशी बोलावसं वाटतं, तुझ्यासोबत राहावं असं वाटतं ‌.
आणि आई खरं सांगू तुला पण मी कितीतरी वेळा एकांतात रडताना बघितले आहे. एक दोन वेळा मी तुला विचारले सुद्धा आहे," तुला काय झाले तू का रडते आहेस?" तर तू काही नाही म्हणत उत्तर देण्याचे टाळले.
"आई खरे सांग तुलाही बोलावेसे वाटते ना त्यांच्यासोबत ?राहावे वाटते ना त्यांच्यासोबत?"
विधीच्या डोळ्यातील अश्रूच सगळं काही बोलून गेले.
"आई, क्षमेत वादविवाद क्षणात मावळून टाकण्याची शक्ती आहे. इगो आणि अहंकाराच्या उधळलेल्या अश्वाला लगाम घालण्याची ताकद क्षमा या दोन अक्षरी शब्दात आहे. तडजोडीचे पाऊल कुणालातरी प्रथम उचलावेच लागेल नाहीतर पहिले आप...म्हणत वेळ निघून जाईल.