एका हाताने टाळी वाजत नाही (अंतिम भाग३)

"साॅरी बाबा, पण खरच मी कधीतरी मेघनाचे म्हणणे सुध्दा ऐकायला हवे होते. पण आई मेघना विषयी जे काही सांगत होती. त्यामुळे माझ्या मनात मेघना विषयी चीड निर्माण होत होती. कधी ती कपडे आवरत नाही. तर कधी घर झाडत नाही. कधी ती स्वयंपाक नीट करत नाही. तर कधी सतत सजत धजत असते. सतत आईची किरकिर... शिवाय आई तिच्या माहेरच्या लोकांचा सतत उद्धार करत होती. मी सुध्दा हो ला हो करत होतो. पण काल जे घडलं त्याने माझे डोळे उघडले. तुम्ही तिला घराच्या बाहेर काढून माझा संसार उद्धवस्त करत आहात. आमचं नातं बहरायच्या आधी कुस्करून टाकत आहात. तिलाही स्वाभिमान आहे. ती घर सांभाळून ट्यूशन घेते. तरीही गर्व करत नाही. तुमचा एकही शब्द खाली पडू देत नाही. पण याचा अर्थ असा होत नाही. की तुम्ही तिला अशा प्रकारे त्रास द्यावा. तुम्हाला ती घरात नको असेल तर मी सुध्दा हे घर सोडून जातो."