अकस्मात_अनामिका भाग २

लग्नानंतरचे विधी झाल्यावर पंगती उठायला सुरुवात झाली. शेखरने तिथेही पुढाकार घेऊन पंक्तीत वाढायचा चान्स घेतला. त्यानिमित्ताने त्या मुलीला पुन्हा जवळून बघता येईल. ती ज्या बाजूला जेवायला बसली होती तिथे शेखर मुद्दाम दोन वेळा फिरला. तिला त्याने जिलेबी घेण्याचा आग्रह केला. तिने गोड आवाजात नको म्हटलं. जेवण झाल्यावर काही पाहुणे निघून गेले तर काही हॉलमध्ये रेंगाळत होते. शेखरची भिरभीर फिरणारी नजर तिला शोधत होती. परंतु जेवण झाल्यावर ती मुलगी कुठेच दिसली नाही. शेखरला कळेच ना आता काय करायचं. ती नक्की कोणाच्या बाजूने आली होती हेही माहित नव्हतं. शेखरचे मन खट्टू झालं. उरलेल्या समारंभात तो एक कर्तव्य म्हणून वावरला. संध्याकाळी रिसेप्शनला नवीन शिवलेला सूट घालण्यात पण त्याला काही रस वाटत नव्हता. त्याची आई त्याला म्हणाली,