अकस्मात_अनामिका भाग ३

आईने आपली चोरी पकडली म्हणून शेखर थोडासा लाजला. शेखरला वाटत होते की मामाच्या घरी फोन करून राजेशला काय झाले ते विचारावे. परंतु घरी फोन केल्यावर तोच फोन उचलेल याची खात्री नव्हती. त्यामुळे राजेशचा फोन येईपर्यंत धीर धरण्याशिवाय काही पर्याय नव्हता. त्याची अवस्था "ती पाहताच बाला, कलीजा खलास झाला" अशी झाली होती. अपेक्षेप्रमाणे राजेशचा फोन आला तो आधी आईने घेतला. आईशी जुजबी बोलणं झाल्यावर राजेशने फोन शेखरला द्यायला सांगितला. त्या दोघांना निवांत बोलू देऊया म्हणून आई तिथून निघून गेली.