अकल्पित क्षण. भाग -३

रमणचे व मेधाचे आईवडील दोघेही आले. त्यांना बघून मेधाला लाजल्यासारखे झाले. मेधाच्या सासूबाई तिला म्हणाल्या, “मेधा ह्या वयात आई होणार आहे. त्यामुळे तुला जास्त काळजी घ्यावी लागणार आहे. मी आणि तुझी आई आहोत. पण आता आमची पण वय झाली आहेत. त्यामुळे आता पूर्वीसारखी धावपळ होणं शक्य नाही. आपण सगळ्या कामासाठी बाई लावू या आणि तू मनात काही ठेऊ नकोस. मुख्य म्हणजे लाजू नकोस. तू काही गुन्हा नाही केलास. त्यामुळे स्वतःला, रमणला दोष देऊ नकोस. पण ह्यानंतर ऑपरेशन करून घे बाई. मी पूर्वीच म्हणाले होते ऑपरेशन करून घे. पण तुच म्हणालीस एका मुलावर डॉक्टर लगेच ऑपरेशन करत नाही. नंतर ते राहिले ते राहिलेच.”