आमच्याकडे असं नाही करत.

" इतकी वर्ष झाली लग्नाला पण सासूचा मान काही राखता येत नाही. सतत उलटी उत्तरं. नाक तर नुसता नाकावरच असतो." इकडे आत बसलेली मीरा पण धुसफुसत होती. लग्नाला इतके वर्ष होऊन सुद्धा सासूबाईंना तिने केलेलं काहीच पसंत पडायचं नाही. साधी घरात नवीन चादर जरी आणली तरी त्यांचे पहिले वाक्य असायचे, आमच्याकडे नाही अशी डिझाईन आवडत कोणाला. नवीन लग्न झाले तेव्हा तिला फार कानकोंडं व्हायचं. पण आता तिला सतत ते ऐकून कंटाळा यायला लागला होता. लग्नाला दहा वर्ष झाल्यावर आईचं घर सुटलं होतं आणि इथे येऊनही हे घर तिला आपलंसं करत नव्हतं. इथे अजूनही तिला परकंच समजलं जात होतं.. कितीही सासूबाईंच्या मनासारखं केलं तरीही आमच्याकडे हे असं नाही करत, ते तसंच करतात हेच चालू असायचं. ती या सगळ्याला आता वैतागली होती. यातून कसं बाहेर पडायचं हेच तिला समजत नव्हतं.

0