आमुलाग्र बदल _ भाग २

मेघनाच्या डोळ्यासमोर तो प्रसंग उभा राहिला जेव्हा शेखरने अचानक मोठा टीव्ही खरेदी केला होता. दोघांचं लग्न होऊन सहाच महिने झाले होते. त्याचं काय झालं घरी थोडा लहान टीव्ही होता. त्यावेळी वर्ल्डकप सुरू होणार होतं. क्रिकेट मॅच म्हणजे शेखरचा विकपॉईंट! त्याच्या मित्राला टीव्ही खरेदी करायचा होता म्हणून ते शोरुम मध्ये गेले होते. मित्राने एक मोठा स्क्रीनचा टीव्ही पसंत केला. शेखरला पण तो खूपच आवडला. तो मित्राला म्हणाला,