अनोखे प्रेम

       खूप प्रयत्न करून, समजावून भटजींनी दोघांनाही विश्वासात घेतले. शेवटी नाईलाजाने दोघेही तयार झाले. ज्या ठिकाणी अनामिकाचा मृत्यू झाला त्याच ठिकाणी ध्रुवचे लग्न लावण्यात आले. अनामिका दुरूनच ते सगळ बघत होती. तिच्या डोळ्यानी ती ध्रुवला दुसर्‍याचा होताना बघत होती. ध्रुव सुद्धा रडवेल्या चेहर्‍याने तिच्याकडेच बघत होता. लग्न झाल.... आता ती मुक्त होणार होती. तशीच ती माघारी वळून हात वर करणार इतक्याच तिला ध्रुवची किंकाळी कानावर पडली.  अनामिका...
तिने वळून पाहिल तर ध्रुव रक्ताच्या थारोळ्यात खाली पडला होता. तडफडत होता. पण ती त्याच्या जवळ जाऊ शकत नव्हती. लग्न होताच त्याने स्वताच्या हाताने धारदार सुरा पोटात भोसकून घेतला होता. आता तिचा आत्मा अनंतात विलीन होत होता. ईकडे ध्रुवने सुद्धा प्राण सोडला होता. ती वर खेचली जात होती आणि अचानक कुणीतरी तिच्या हातात हात दिला. तिने पाहिल तर तो ध्रुव होता. तिच्यासोबत आता तो हो अनंतात विलीन होणार होता...