अनोळखी दिशा..(भाग २६)

"हे बघ हर्ष! ठरवले असते तर तुम्ही आजही सगळं लपवू शकत होतात. उशिरा का होईना पण तुम्ही विश्वासाने आम्हाला सर्वकाही सांगितले, यातच तुमचा सच्चेपणा आणि प्रामाणिकपणा दिसून येतोय. शेवटी चुकतो तो माणूसच ना! आणि चुका कोणाकडून होत नाहीत? त्यावेळी परिस्थिती तशी होती त्यामुळे त्यानुसार वागणे तुम्हाला भाग होते. पण कदाचित धाडस करून तेव्हाच जर तुम्ही बोलला असता तर गुन्हेगाराला वेळीच शिक्षा झाली असती हेही खरं. परंतु, सर्व परिस्थिती त्यावेळी विरोधात होती. पण असो...जे झाले ते झाले, अजूनही काही होतंय का ते पाहू आणि त्या नराधमाला जास्तीत जास्त शिक्षा कशी मिळेल त्यासाठी प्रयत्न करूयात." नयना ताई म्हणाल्या.