अनोळखी दिशा..(भाग ३०)

एक एक करत सगळे गाडीतून खाली उतरले. नेत्रा, तिचा भाऊ आदित्य, नेत्राची आई, तिचे मामा-मामी आणि त्यांची दोन मुलं...त्या दिवशी एवढीच काय ती नवरीकडची मंडळी आली होती. बाकीचे पाहुणे लग्नाच्या दिवशी येणार होते. तसेही नवऱ्या मुलीकडचे पाहुणे कमीच होते. नेत्राच्या बाबांचे मित्र आणि तिच्या सख्ख्या आजोळचे काही लोक तसेच नेत्राने जोडलेली तिच्या जिवाभावाची काही मंडळी. एवढाच काय तो तिचा गोतावळा. त्यातही इतर पाहुणे लग्न मुहूर्तावर हजर होणार होते.