अनपेक्षित बांधली गाठ (भाग:-११)

" हो, आम्हालाही तसेच वाटते. श्रीमंतीचं तेज तिच्या चेहऱ्यावर दिसतं. त्या वरून ती मोठ्या घरातील मुलगी असावी, असे वाटते. आम्ही जाणून घ्यायचा प्रयत्न केला; पण तिने काहीच सांगितले नाही. अधूनमधून इंग्रजीतून बोलते, त्यावरून ती शिकलेलीही वाटते. तिच्या घरचे तिला शोधण्यासाठी न्यूज पेपर किंवा टि.व्हि. वर ती हरवलेली बातमी देतीलच. पोलीसांमार्फतही तिचा शोध घेतील. जर तिच्या घरांच्यांना पटलं तर इथेच तिला इलाजासाठी ठेवतील. नसेल पटत, तर सोबत नेतील. बघू काय होतंय ते." फादर त्यांना म्हणाले.