अनपेक्षित बांधली गाठ (भाग:-१९)

"ओके, मलाही डाळिंब खूप आवडते. मला तुला अजून काहीतरी सांगायचे होते. काय बरं?अम्म.." तो कपाळावर एक बोट टेकवत विचार करू लागला आणि काही क्षणांने म्हणाला,"उम्म..हा, तू इथे नवीन आली होती तेव्हा तू किती सुंदर नक्षत्रासारखी दिसत होतीस ! हा.. आणि आता पाहा, या दोन दिवसात अंघोळ केली नाहीस, तोंड धुतले नाहीस, विंचरले नाही. आता मावशीकडे जा, छान अंघोळ कर, कपडे घालून ये. नंतर मी केस विंचरून देतो, छान मेकअप पण करतो. चालेल ना." त्याने प्रेमाने समजावले.