अनपेक्षित बांधली गाठ (भाग:-१)

"काय चांगल केले, हं? उलट वाटोळे केले तुम्ही माझ्या लेकराचे. (दोन्ही हाताचे तळवे एकमेकांवर घासत दात आवळत) किती इश्वासाने म्या तुमच्यावर त्याला सोपवले होतं अन् तुम्ही इश्वासघात केलात माझा. माझ्या श्यामवर माझा पूर्ण इश्वास हाय. म्या छाती ठोकपणे सांगू शकते. माझा श्याम असलं नीच काम कधीच करणार न्हाई. तुमची गल्लत होतीया, फादर. चोर सोडून संन्यासाला फाशी देत हायसा तुम्ही ! तुमचा त्यो देव डोळे झाकून बसला हाय का वं? त्याला बी दिसना अन् तुम्हास्नी बी दिसना. नसती अदवत माझ्या लेकरावर घेताव तुम्ही." वैजयंती आताही रागातच पण हळव्या स्वरात बोलत होती.